• Author / Uploaded
• Anabel Hernandez Sanchez

Citation preview

DAR COCO A UN SANTO Alaru Fusile Orisha badaro. Fumi abonitosi soro ati ibere na Obi ati dilogun Nina oruko Bogbo na Orisha tikue nitoso kan Iyawo Mopue obi eleggua.

ELEGUA Echu elegbara, echu bara alayeiki Alazana embe ilekun sokun alaroye Echu enkanmase mamankeña ofimi.

OGGUN Ogun agbaniye baba alagbade Pele re, leje na kife laila Foni kiwi nitosi leuye olodunmare Nina abbara aji bogbo na kise Bawo sise odara api buruku

OCHOSI Ochosi oluba ni bogbo nao a ti oricha Sese ode mata, semi a ti bogbo omo nile Fimi okan ona ire pelure ofa duro Bogbo burukun kiwa ni odupue bagba mi

OSUN Osun ni duro na dubule a gogoro mata Adena ni nitoso ki kuelere Isha goro kepe mi nitosi kinle Baji wana kuku Ba mu ni a ti titi re Lona bogbo na boruku odupue.

OBATALA

Orichanlá Okenrin ati Obinrin ni layé, eledá ni gbogbo na daradara, atí burukú, Obá ati Ayaba afin, Ogá ni na tala ati gbgbo na cheche, Babá wa afin alano jekua Babá Mí.

YEMAYA Yemaya Orisha Obunrin dudú, kuele re meye abayá ni re oyú, ayaba awó gba okími, Iyá ogá ni gbogbo okuo, Yeye Omó eyá,lojun oyina ni re ta gbogbo Ojun nibe iwo ni re ologdo Nitosi re omo terida modupue iya mi Santa mujer negra, con sus sietes Rayas en su cara, Reina Adivina, reciba el saludo, Madre Dueña de todos los mares, Madre hijo del pescado, allá lejos tiene su trono, bajo el mar, donde usted tiene sus riqueza para su hijo obediente, Gracias Madre mía. OLOKUN Olokun agana eri, Eni pariwo Eni choco choco Baba emi omo odun bawa.

SHANGO Babá Mi Changó Ikawo ilé mi funi alaya Tilancha ni nitosi ki ke bamu mo re oro nigbati wa ibinú ki kigbo ni na orun atí gbogbo. Omó nijin bogbo wi kuele kuokuo bera nitosi dilowo ikawo kaweile mi , iwo tagbe,Babá mi ki awa nakue ni okán nitosi kunle ni re elese atí wi Changó alamú obá layo ni na ilé ogbeo mi. Padre Mío, Dios del trueno, controle mi casa, déme la salvación radiante para que no me coja su palabra cuando esté bravo, que grita en el cielo y todos sus hijos aquí abajo decimos con mucho respeto, para acatar control, controle mi casa. Usted recuérdese Padre Mío que nosotros lo llamamos de corazón para arrodillarnos delante de sus pies y decirle Dios del Trueno, Misericordioso Rey, alégrese en la Tierra, Ampárame a mi.

OKE Oke titilatoke Oyiki yiki okuta ayuba OGE Oricha oge malamalade Oge lana emi ayuba

MOYUGBA Omi tuto, ana tuto, tito laroye, tuto ile, tuto mo, ariku babawa. Moyumba olofi, moymba olorun,moyumba olodunmare, moyumba irawo, moyumba asocan, Moyumba bogbo wan ologdo ara onu , oluwos, bablochas, iyalochas e iworos que timbelese olodunmare Igbae bayen tunu bogbo egun ara onu eran emi nani Ana Belén Hernández Sánchez, Iwory yekun (rezo), omo Yemaya Omi Ayo de ile Igbae bayen tunu Ta José, Igbae bayen tunu florita, Igbae bayen tunu anita,jose, Carmen, Andres, Igbae bayen tunu mi negra, Igbae bayen tunu el asere, Igbae bayen tunu bogbo egun ara onu eran emi Igbae bayen tunu bogbo egun ara onu eran emi iyalocha Salaco, Igbae bayen tunu , Gonzalo, Igbae bayen tunu el chicho, Igbae bayen tunu mercedes, Igbae bayen tunu brusmelia, Igbae bayen tunu saturnino Igbae bayen tunu

Igbae bayen tunu bogbo egun ara onu eran emi oyumbona Baba IGBO Igbae bayen tunu bogbo egun ara onu eran emi mi oluwo Iwory ogbe. Igbae bayen tunu bogbo egun ara onu eran bogbo oluwos, babalochas, iyalochas, iworos y aleyos ke akele ile que timbelese olodunmare. Kinkamche mi iyatobi, Lourdes del Carmen Sánchez Sanabria Kinkamche mi babatobi Luis Alfredo Hernández Rodriguez Kinkamche mi iyare mi Salaco Kinkamche mi oyumbona Baba Igbo Kinkamache Omi yale, Kinkamache Omirelegun, Kinkamache Yovani, Kinkamache Baba di meyi Kinkamche mi oluwo Iwory Ogbe, Kinkamache Iroso ka, Kinkamache ogunda ko, Kinkamache Osaroso, Kinkamache Odi Omolu Kinkamache bogbo kale un oluwos, babalochas iyalochas iworos y aleyos ke kale ile.

Ago Lery Echu nipaco Beburu Ekele bapa osi Ekele bata otun Akokan Kentabuñu Elesentele Entelekamafasete Inkaburuku Inkaluburo logbe Low osi

Lowo otun Arikubabwa