• Author / Uploaded
• Karl Einsam

Citation preview

Inemiliz Xuan ipan itlal Xuan itoca inin macehualtequini chantia nican ipan altepetontli itoca San Francisco Xaloztoc, amo huehca Tepoztlan. Nican quimpia yehuatl ichan ihuan imil. lcal quimpia ce tlacualchihualoyan ihuan ce tepancalli ihuan xochimilli. Ichan inahuac ce atoyatl itoca Xalatoyac . Inin amo quipia miac atl.

Xuantzin quipia icihuatzin. Inin cihuatl itoca Malintzin. Xuan ihuan Malintzin quimpia yeyi inpiltzitzin: Petolotzin, Miquel ihuan Xuana. Noihqui nemi itah, ce huehue tlacatl, incol in ipiltoton Xuan. Xuan tlahtoa macehualcopa ihuan caxtilancopa. Huehue colli zan tlahtoa macehualcopa. Amo quimati caxtilan. Yeyi pilli quimpiyah cequintin amoxtli ipampa yahui temachtiloyan ompa Tepoztlan altepetl.

Xuan tlacatl chicahuac. Quipiya miac tequitl ompa imil. Momoztla mehua nahui horapan ihuan quiza ipan imil. Ompa quintlaltoca tlaolli, yetl ihuan metl. Petolotzin, in ipiltzin, quipalehuia itah cequintin tonalli ipan milli ihuan xochimilli. Inin xochimilli quimpia miaqueh xochitl.

lcihuatzin, Malintzin, tequiti itic tlacualchihualoyan ihuan ipan tepancalli. Itic tlacualchihualoyan quimpiya ce metlatl, ce molcaxitl, yeyi icpalli, miaqueh petlatl ihuan caxitl. Inin cihuatzintli quichihua tlacualli. Tlacualchihua. Ipan molcaxitl quichihua molli ica chilli ihuan chocolatl. lca metlatl quichihua textli. Quitlalia inin textli ipan tletl ihuan quinchihua miaqueh tlaxcalli. Tlaxcalchihua. Ipan tepancalli quimpaca miaqueh caxitl ipampa quinequi nochi achi chipahuac.

Xuan quincua quilitl ipan imil. lchantzinco, ica icihuatzin ihuan yeyi pilli, quincua nacatl ica molli, tlaxcalli ihuan yetl. Amo quicuah yehuantin molli nochtin tonalli. llhuitl inin altepetontli quiza ipan nahui tonalli octubre metztli. Xuan quintequi miaqueh xochitl ica teopantli ipan inin tonalli. Domingotica nochtin yahui altepetianquizco ihuan teopantzinco. Ipan tianquiztli Xuan quinamaca xochitl, yetl ihuan tlaolli. Malintzin quicohua in tlen monequi ichantzinco: nacatl, chilli, ahuacatl ihuan xitomatl.